An senger Aarbecht setzt d’Nathalie virun allem op somatesch Usätz wéi Somatic Experiencing, Ego-State-Therapie an nervensystemesch Integratioun. Achtsamkeet spillt dobäi och mol eng Roll, wärend MBSR éischter an senge Gruppecoursen zum Asaz kënnt.
Ganz konkret heescht dat, dass d’Opmierksamkeet ëmmer erëm op dat geet, wat am Moment präsent ass. Op dat, wat sech weist am sougenannte Felt Sense. Dat kënnen kierperlech Sensatiounen sinn, mee och Biller, Gedanken oder Gefiller. De Kierper ass en Deel dovun, mee net dat Eenzegt.
D’Tina léiert, dës Signaler net direkt ze analyséieren oder ze bewäerten, mee se fir d’éischt einfach ze spieren.
A klenge Schrëtt.
Vill geschitt dobäi iwwer Co-Regulatioun am Kontakt mam Nathalie, wat Sécherheet gëtt. Duerch dëst bewosst Dobäi-bleiwe kann de Kierper lues a lues ufänken, sech selwer ze reguléieren. Spannungen dierfen sech ofbauen, ouni forcéiert ze ginn. D’Nervesystem kritt erëm e Gefill vu Sécherheet.
Heiansdo geet et dobäi och dorëms, tëscht Aktivéierung a Rou hin an hier ze pendelen. Kuerz an e Gefill eragoen, an dann nees zréck an eppes, wat stabiliséiert. Sou léiert de Kierper, datt en net iwwerfuerdert gëtt.
Net alles op eemol.
Mee an engem Tempo, deen sech richteg ufillt.
D’Fro, déi alles verännert
An dëser Rou kënnt eng aner, méi fein Fro op:
Wéini sinn ech esou, wéi ech mech wierklech gären spieren?
Et geet hei manner ëm d’Iddi vu Gléck, mee ëm Ressource, ëm déi Momenter, an deenen d’Tina sech mat sech selwer verbonnen an stëmmeg fillt.
D’Tina fänkt un, net méi mam Kapp ze sichen, mee ze spieren. An dobäi baut sech lues a lues eppes op, wat laang gefeelt huet:
eng Verbindung zu sech selwer.
Lues a lues erëm bei sech ukommen
Mat der Zäit gëtt d’Tina méi opmierksam fir sech selwer. Hatt spiert méi fréi, wann et ze vill gëtt, an erlaabt sech Pausen.
D’Begleedung bleift douce, traumasensibel an ouni Drock. Alles dierf am eegene Rhythmus geschéien.
Et geet net drëms, séier erëm ze funktionéieren.
Et geet drëms, erëm ze spieren.
A klenge Schrëtter zeréck zu sech selwer.
